Félagið og sagan

U3A félagið og sagan, undirbúningshópur, 2012

U3A til Íslands

Reykjavík var stofnað 16. mars 2012 sem fyrstu U3A samtökin á Íslandi. Fyrsti formaður þeirra, Ingibjörg R. Guðlaugsdóttir, kynnti sér starf U3A á netinu og eftir að hafa farið á alþjóðlega ráðstefnu, World U3A Conference 2010, í Chitrakoot á Indlandi kom upp sú hugmynd að stofna U3A samtök hér á landi. Undibúning að stofnun þeirra önnuðust Ásdís Skúladóttir, Ingibjörg R. Guðlaugsdóttir, Lilja Ólafsdóttir og Helga Margrét Ólafsdóttir.

Félagar

  • 2012 – Stofnfélagar í U3A Reykjavík voru 49, þar af gerðist 31 félagi fyrsta starfsári samtakanna.
  • 2014 – Voru félagar orðnir um 90 talsins vorið 2014 og meðalaldur þeirra 68 ár. Af félagsmönnum voru 71% 70 ára eða yngri. Yngsti félagsmaður var 54 ára og sá elsti 83 ára. Konur voru um 80% félagsmanna.
  • 2016 – Í mars voru félagi 283 talsins, meðalaldur var 69 ár, konur voru 79% félagsmanna. Hlutfall 70 ára og yngri var 62%.
  • 2018 – Í lok starfsársins eru félagar 611 talsins, þar af 78% konur.
  • 2020 – Í lok ársins 2020 voru félagar 896 talsins.

Ánægjulegt er að sjá að áhugi á að tengjast starfi samtakanna heldur áfram að aukast. 1. mars 2022 eru félagsmenn 1006 og höfðu þá bæst við um 110  félagar á fyrstu mánuðum ársins 2022.

Evrópsk samstarfsverkefni

Árið 2014 hófst nýtt skeið í starfi samtakanna þegar gengið var til samstarfs við önnur U3A samtök erlendis um rannsóknarverkefni í málefnum sem tengjast þriðja æviskeiðinu, virkri og farsælli öldrun og ævinámi. Samstarfsverkefnin hafa verið unnin með aðilum frá Bretlandi, Litháen, Króatíu, Póllandi og Spáni og má fræðast meira um það starf á síðunni um erlent samstarf. Verkefnin eru unnin með styrk frá Erasmus+ áætlun ESB auk innlendra styrktaraðila og hafa niðurstöður þeirra vakið talsverða athygli innanlands sem utan. U3A Reykjavík reka nú eina af afurðum þessara verkefna, Vöruhús tækifæranna

Scroll to Top
Skip to content