Umhverfishópur hittist 30. mars kl. 16:30

Fimmtudaginn 30. mars kl. 16:30 koma til okkar í Hæðargarð 31 Julie Kermarec og René Biasone frá Umhverfisstofnun.

Þau ætla að kynna verkefni sem heitir Grey4Green, alþjóðlegt samstarfsverkefni (ERASMUS+) sem hófst á þessu ári og markmið þess er að þróa sjálfboðaliðaverkefni í náttúruvernd meðal fólks sem er eldra en 60 ára til að stuðla að félags-, menntunar- og persónulegri þróun þeirra.

Hægt er að nálgast nánari upplýsingar (á ensku) um verkefnið á þessari vefsíðu: https://grey4green.eu/about/

 Fyrsti liður í verkefninu er þjálfunarnámskeið sem verður haldið á Kýpur fyrir starfsmenn og kennara sem vinna með þessum tiltekna aldurshópi og að umhverfismálum.