Rafmagnaðir peningar
![Bitcoin - hvað er það](https://u3a.is/wp-content/uploads/2022/10/Learn_Illustration_Ultimate_Guide_Bitcoin-768x403.jpg)
Ásgeir Brynjar Torfason flytur erindi um Bitcoin og rafmyntir fyrir U3A Reykjavík þriðjudaginn 1. nóvember kl. 16:30.
Svokallaðar rafmyntir eins og Bitcoin eru alls ekki nýr gjaldmiðill heldur sveiflukenndar sýndareignir, sem eru til í þúsundum mismunandi útgáfum, sem eru alls ekki peningar.
Þessir fjármálagjörningar eru sýndareignir sem þarf að skoða sem áhættusama fjárfestingu þar sem hið undirliggjandi verðmæti er ákaflega óljóst. Í fyrirlestrinum verður einnig fjallað um eðli peninga og tækniþróun, ásamt því að peningakerfi landa og hið alþjóðlega fjármálakerfi verða sett í samhengi við tækniþróun og nauðsynlega umgjörð laga og reglna.
Ásgeir Brynjar Torfason er með doktorspróf í fjármálum og reikningshaldi frá Gautaborgarháskóla árið 2014 þar sem doktorsritgerð hans fjallaði um sjóðsstreymi og efnahag banka en rannsóknirnar hans þar í borg sneru einnig að fasteignum sem langtímafjárfestingu og tengir þannig fjármagnsflæði og raunhagkerfið. Eftir nám starfaði hann sem lektor í viðskiptafræði við Háskóla Ísland í fimm ár en hafði áður unnið þar í stjórnsýslunni sem skrifstofustjóri rekstrar og framkvæmdasviðs auk þess að vera fyrsti framkvæmdastjóri Vísindagarða HÍ. Ásgeir Brynjar lauk MBA prófi í stjórnun frá Viðskiptaháskólanum í Ósló árið 2001 en upphaflega nam hann heimspeki og hagfræði við Háskóla Íslands á síðasta áratug síðustu aldar. Síðastliðinn sex ár sat Ásgeir Brynjar í fjármálaráði sem veitir óháð álit á árlegum fjármálaáætlunum og fjármálastefnu hverrar ríkisstjórnar um opinber fjármál sem saman mynda vissa umgjörð stefnumörkunar fyrir gerð fjárlaga hvers árs.
![Félagsmiðstöðin, Hæðargarði 31](https://u3a.is/wp-content/uploads/2020/08/u3a-felagsmidstodin-haedargardi.jpg)
Staðsetning
Website
https://ja.is/?q=h%C3%A6%C3%B0argar%C3%B0ur%2031Dagur
- 01.11.2022
- Expired!
Tími
- 16:30
The event is finished.
Fyrirlesari
-
Ásgeir Brynjar Torfasondoktor í viðskiptafræði
Næsti viðburður
- Sumarkveðja frá stjórn U3A Reykjavík
-
Dagur
- 15 ágú 2024