Matur & hreyfing, lífsins elexír

Name: Matur & hreyfing, lífsins elexír
Start: 2023-01-17
End: 2023-01-17
Location: Félagsmiðstöðin, Hæðargarði 31

Þriðjudaginn 17. janúar heldur Ólöf Guðný Geirsdóttir, næringarfræðingur erindi sem hún nefnir: Matur & hreyfing, lífsins elexír. Hún fjallar um áhrif fæðuvals og hreyfingar á líðan og færni þegar komið er á þriðja æviskeiðið. Lífsstílsþættir eins og matur og hreyfing eru mikilvægir alla ævi en það sem margir gera sér ekki grein fyrir að þegar komið er inn á þriðja æviskeiðið skiptir matur og hreyfing mjög miklu máli hvað varðar viðhald líkamlegrar og andlegrar færni.

Ólöf (f. 1968) er prófessor í næringarfræði við Matvæla- og næringarfræðideild Háskóla Íslands. Meginviðfangsefni Ólafar í rannsóknum eru næringarástand aldraðra og aldurstengt færnitap. Einnig hefur hún komið að ráðleggingum um mat og næringu eldri aldurshópa í samvinnu við Landlæknisembættið. Ólöf var tilnefnd 2018 sem framtíðar vísindamaður innan öldrunarrannsókna af norræna Öldrunarfræðifélaginu og norræna Öldrunarlæknafélaginu.