Jákvæð sálfræði, rannsóknir og nýting

Þriðjudaginn 18. janúar 2022, kl.16:30, heldur dr. Dóra Guðrún Guðmundsdóttir fyrirlestur um Jákvæða sálfræði, rannsóknir og nýtingu. Strax árið 1954 benti Abraham Maslow á að sálfræðinni hefði tekist mun betur að eiga við það neikvæða en það jákvæða í fari fólks. Sálfræðin hefði kennt okkur margt um vankanta og veikleika, en minna um valkosti, styrk og markmið. Hugmyndin var endurvakin á árunum fyrir aldamótin síðustu og þessa öldina hefur fræðigreinin lagt aukna áherslu á jákvæða sálfræði. Spyrja má hvort þörf sé á námi í jákvæðri sálfræði, hvort rannsóknir séu það viðamiklar að þær bæti þekkinguna, hvort þessi fræði eigi erindi til almennings og hvert jákvæða sálfræðin leiðir okkur.

Dóra Guðrún Guðmundsdóttir er sviðsstjóri Lýðheilsusviðs hjá Embætti landlæknis. Hún lauk kandídatsprófi í sálfræði við Háskólann í Árósum 2007 og fékk starfsleyfi sem sálfræðingur hérlendis sama ár. Árið 2016 varði hún doktorsritgerð sína í lýðheilsuvísindum við Háskóla Íslands. Ritgerðin ber heitið: Hamingja og vellíðan á tímum efnahagsþrenginga á Íslandi. Árið 2014 var Dóra kosin forseti Evrópusamtaka um jákvæða sálfræði.


Félagsmiðstöðin, Hæðargarði 31

Staðsetning

Félagsmiðstöðin, Hæðargarði 31
Hæðargarður 31, 108 Reykjavík

Dagur

18.01.2022

Tími

16:30
Sold out!
Share on facebook
Share on twitter
Share on linkedin
Share on email
Share on whatsapp

The event is finished.

Fyrirlesari

Scroll to Top Skip to content