Draugar fortíðar: Kynþáttafordómar og Ísland í samtengdum heimi

Þriðjudaginn 25. apríl flytur Kristín Loftsdóttir, prófessor í mannfræði erindi sem hún nefnir: Draugar fortíðar: Kynþáttafordómar og Ísland í samtengdum heimi.

Á undanförnum árum hafa kynþáttafordómar verið mikið til umræðu. Sú umræða snýst oft um hvað séu kynþáttafordómar í íslensku samhengi þar sem iðulega er lögð áhersla á sögulega einangrun landsins. Í fyrirlestrinum verður fjallað um hvernig kynþáttafordómar hafa birst sögulega á Íslandi og lögð áhersla á mikilvægi þess að skilja slíka fordóma út frá samtengdri sögu. Komið verður inn á hugtökin sýnileika og ósýnileika til að nálgast óuppgerða fortíð í samtímanum.

Kristín Loftsdóttir er prófessor í mannfræði við Háskóla Íslands. Kristín lauk doktorsnámi frá Arizona háskóla í Tucson, Arizona árið 2000. Kristín hefur verið í margs konar alþjóðlegu samstarfi og tekið þátt í og stýrt alþjóðlegum verkefnum. Rannsóknir hennar hafa m.a. snúið að fordómum, mótun þjóðernislegra sjálfsmynda og nýlenduhyggju. Á þessu ári koma út bækurnar Andlit til sýnis: Íslendingar og aðrir á Kanarísafninu (Sögufélagið, 2023), og Creating Europe from the Margins (Routlege 2023) sem Kristin ristýrir ásamt öðrum.

Félagsmiðstöðin, Hæðargarði 31

Staðsetning

Félagsmiðstöðin, Hæðargarði 31
Hæðargarður 31, 108 Reykjavík
Website
https://ja.is/?q=h%C3%A6%C3%B0argar%C3%B0ur%2031

Dagur

25.04.2023
Expired!

Tími

16:30

The event is finished.

Fyrirlesari

Scroll to Top
Skip to content