Single Builder

Hér var eitt sinn mjólkurbúð. Ferðaleiðir 1.

Ferðaleiðir, wikiloc, námskeið. u3a.is

Stutt og hagnýtt námskeið á vegum U3A Reykjavík fyrir fólk sem vill hanna sínar eigin ferðaleiðir á stafrænu formi fyrir aðra til að njóta. Leiðbeinandi er Einar Skúlason.

Margir hafa ánægju af því að fara í göngutúra með fólki og segja frá því sem ber fyrir augu á leiðinni eins og til dæmis að benda á hvar mjólkurbúðir voru áður fyrr. Sumir búa jafnvel yfir einstakri vitneskju og þekkingu á stöðunum. Á námskeiðinu verður fjallað um hvernig hægt er að útbúa stafrænar ferðaleiðir með upplýsingum um staði og leiða þannig fólk í ferðir um viðkomandi svæði og miðla fróðleik um fortíð og samtíð til komandi kynslóða. Margt bendir til þess að hin hefðbundnu skilti í náttúrunni muni heyra sögunni til innan nokkurra ára eða áratuga og að upplýsingarnar verði alfarið stafrænar. Kennt er á smáforritið Wikiloc og þátttakendur þurfa að eiga snjallsíma. Forritið sjálft er einfalt í notkun og þátttakendur munu þurfa að vinna heimaverkefni á milli kennslustunda sem felst í göngutúrum.

Á námskeiðinu er fjallað um:

  • Vef- og smáforritið Wikiloc og leiðbeint um virkni þess.
  • Um framsetningu á texta til þess að birta í Wikiloc.
  • Um ljósmyndatöku á vettvangi til birtingar í Wikiloc.
  • Um lagfæringar á einstökum leiðum í Wikiloc.
  • Útgáfa ferðaleiða í Wikiloc og hvernig hægt er að koma þeim á framfæri.

Ávinningur þátttakenda:

  • Læra að útbúa stafrænar ferðaleiðir sem aðrir geta fylgt með því að nota snjallsíma.
  • Geta komið þekkingu sinni í nytsaman farveg.
  • Læra að nýta göngutúrana á nýjan hátt.
  • Hvatning til hreyfingar og útiveru.
  • Læra nýtt tómstundagaman.

Námskeiðið hentar öllum þeim sem hafa ánægju af göngutúrum og vilja læra að miðla ferðaleiðum og upplýsingum á stafrænan hátt. Þetta er skemmtileg leið til að nálgast reynsluheim barna og barnabarna og jafnvel koma þeim á óvart. Þetta er ennfremur fyrir þá sem búa yfir þekkingu yfir einstök svæði sem má miðla til annarra. Þátttakendur þurfa að eiga snjallsíma og hafa aðgang að tölvu. Kennt verður einu sinni í viku og heimaverkefni unnin þess á milli.

Einar Skúlason hefur mikla reynslu af gönguleiðsögn og skrifum um gönguleiðir. Hann stofnaði gönguklúbbinn Vesen og vergang árið 2011, hann á gönguappið Wapp – Walking app og hefur skrifað tvær bækur um gönguleiðir.

Staður og stund: Hæðargarður 31, fimmtudagana 8.,15. og 22. október kl. 16:00-17:15.
Námskeiðið kostar 8.500.- sem greiðast að skráningu lokinni inn á reikning
U3A Reykjavík: kt: 430412-0430; reikn: 0303-26-011864. Vinsamlegast merkið greiðsluna með: NámES
Einungis 20 komast í salinn.


Félagsmiðstöðin Hæðargarði 31

Staðsetning

Félagsmiðstöðin Hæðargarði 31
Hæðargarður 31, 108 Reykjavík

Dagur

08.10.2020

Tími

16:00 – 17:15

Verð

8.500ISK


SKRÁ

Skrá á viðburð


Ferðaleiðir
ISK

Fáanlegir Miðar: 20
The Ferðaleiðir ticket is sold out. You can try another ticket or another date.





Share on facebook
Share on twitter
Share on linkedin
Share on email
Share on whatsapp

  • 00

    dagar

  • 00

    klukkustundir

  • 00

    mínútur

  • 00

    sekúndur

Kennari


  • Einar Skúlason
    Einar Skúlason
    Gönguleiðbeinandi


    Einar Skúlason

    Einar Skúlason

    Gönguleiðbeinandi







    Einar Skúlason hefur mikla reynslu af gönguleiðsögn og skrifum um gönguleiðir. Hann stofnaði gönguklúbbinn Vesen og vergang árið 2011, hann á gönguappið Wapp – Walking app og hefur skrifað tvær bækur um gönguleiðir.

Næsti viðburður

Flokkar

Share on facebook
Share on twitter
Share on linkedin
Share on email
Share on whatsapp

The event is finished.

Scroll to Top Skip to content