Styrkleikar þínir og annarra

Name: Styrkleikar þínir og annarra
Start: 2024-01-30
End: 2024-01-30
Location: Félagsmiðstöðin, Hæðargarði 31

Þriðjudaginn 30. janúar 2024 heldur Steinunn Eva Þórðardóttir fyrirlestur í Hæðargarði. Fyrirlesturinn nefnir hún Styrkleikar þínir og annarra. Steinunn Eva fjallar um efnið frá sjónarhóli jákvæðrar sálfræði. Hún verður með kynningu á því hvað styrkleikar eru og af hverju það er hagstætt fyrir okkur og samfélagið að nýta þá markvisst. Hvaða styrkleikar eru bestir í persónulegum samböndum, í starfi eða til að vera hamingjusöm. Getum við haft of mikið af styrkleikum? Höfum við í raun og veru öll styrkleika?

Steinunn Eva er kennari og einnig sjálfstætt starfandi námskeiðshaldari og pistlahöfundur. Hún hefur langa reynslu sem framhaldsskólakennari í Fjölbrautarskóla Vesturlands Akranesi (FVA). Menntun hennar er góð blanda sálfræði- og lýðheilsu. Hún lauk BA námi í sálfræði frá HÍ, meistaragráðu í Lýðheilsufræði frá HR og diplómu á meistarastigi í jákvæðri sálfræði frá EHÍ, auk náms í markþjálfun, sem hún segir gefa hjartað í annars strangvísindalegri nálgun.