Óskaland – leikhúsferð menningarhóps

MENNINGARHÓPUR

Nóvember viðburður menningarhóps verður leikhúsferð til að sjá Óskaland eftir bandaríska verðlaunahöfundinn Bess Wohl í Borgarleikhúsinu þann 9.11. kl: 20.00. Verð miða fyrir okkur eldri borgara er kr: 6.800.

Leikstjóri er Hilmir Snær Guðnason og aðalleikarar eru Eggert Þorleifsson og Sigrún Edda Björnsdóttir.

Leikritið segir frá hjónum sem eru á okkar aldri og ákveða að skilja en börnin þeirra taka því ekki vel og reyna að hafa áhrif á foreldrana.

Menningarhópurinn hefur lagt áherslu á að hluti af viðburðum sé samverustund með mat eða kaffi en við nána skoðun á möguleikum fannst okkur að það yrði full dýrt að fara út að borða fyrir leiksýningu og ákváðum að sleppa þeim lið í þetta skipti. Við sitjum þó öll í sama bekk og köstum kveðju hvert á annað.

Við verðum í forstofunni með miðana í 30 mínútur fyrir sýningartíma.

Vinsamlega skráið ykkur sem fyrst og greiðið síðan  kr. 6.800 svo við vitum endanlegan fjölda þátttakenda.

Reikningur: 0301-26-011864

Kt: 430412-0430

Með kveðju frá stýrihópi,

Ingibjörg Ágeirsdóttir