Ljós og lífsgæði
Fyrirlesturinn mun fjalla um áhrif ljóss á lífsgæði. Farið verður inn á núverandi þekkingu um áhrif lýsingar á heilsu og vellíðan ásamt því að skoða þróun lýsingar í íslenskum íbúðum.
Dr. Ásta Logadóttir er verkfræðingur, formaður Ljóstæknifélags Íslands og starfar sem lýsingarsérfræðingur hjá Lotu. Ásta er með bakgrunn í ljósarannsóknum og kennslu frá Álaborgarháskóla í Kaupmannahöfn. Eitt helsta baráttumál Ástu síðan hún snéri heim frá Danmörku er að betrumbæta dagsljóssskilyrði í íslenskum byggingum í hringiðu þéttingar byggðar. Ásta nýtir reynslu sína af verkefnavinnu fyrir dönsk ráðuneyti til að reyna að hafa áhrif á íslenskt regluverk svo betur megi byggja í íslensku þéttbýli.
