Lína langsokkur – uppruni og saga

Name: Lína langsokkur – uppruni og saga
Start: 2026-03-17
End: 2026-03-17
Location: Félagsmiðstöðin, Hæðargarði 31

Lína langsokkur – uppruni og saga

Þriðjudaginn 17. mars kl. 16:30 kemur Sigríður Jónsdóttir til okkar í Hæðargarð með fyrirlestur um hvernig Lína Langsokkur varð órjúfanlegur hluti af uppeldi íslenskra barna.

Astrid Lindgren og Lína Langsokkur eiga sér langa sögu á Íslandi, lengri en mörg gætu haldið. Þessi fjöruga og ákveðna stúlka birtist fyrst í bók á Íslandi árið 1949. En Lína birtist fyrst á prenti hér á landi nokkrum árum áður þá undir öðru nafni og varð fljótlega fastur liður í menningaruppeldi barna, áhrifa sem gætir enn í dag.

Í fyrirlestrinum segir Sigríður stuttlega frá ævi Astridar, uppruna Línu og hvernig íslensk börn kynntust henni um miðbik 20. aldarinnar, þar sem lestur, þrjú-bíó og leikhúsið léku stór hlutverk.

Sigríður Jónsdóttir er sérfræðingur á Leikminjasafni, leiklistarskjalasafn á Landsbókasafni Íslands – Háskólabókasafni (Þjóðarbókhlöðu), og starfar sem leikhúsgagnrýnandi á Heimildinni.