Félagsfundur U3A Reykjavík

Við hefjum vetrarstarfið með félagsfundi í Hæðargarði 31 þriðjudaginn 6. september kl. 16:30. Á dagskrá er stutt kynning á starfsemi U3A Reykjavík og á verkefninu Vöruhús tækifæranna. Síðan verða umræður og félagar leggja fram sínar hugmyndir um fyrirlestra og viðburði sem þeir hafa áhuga á að settir verði á dagskrá á komandi mánuðum. Þannig verður til hugmyndabanki sem stjórn félagsins vinnur úr þegar viðburðir eru skipulagðir.

Kaffi og kleinur í boði.

Við hlökkum til að sjá sem flesta félaga í Hæðargarði þennan fyrsta þriðjudag í september.

Stjórn U3A Reykjavík