COP30 í Belém í Brasilíu

Name: COP30 í Belém í Brasilíu
Start: 2026-01-20
End: 2026-01-20
Location: Félagsmiðstöðin, Hæðargarði 31

Þriðjudaginn 20. janúar kl. 16:30 fáum við til okkar Lauru Sólveigu Lefort Scheefer, forseta Ungra umhverfissinna og ungmennafulltrúa Íslands hjá Sameinuðu þjóðunum á sviði loftslagsmála. Hún deilir með okkur upplifun sinni frá COP30 í Belém í Brasilíu síðastliðinn nóvember og varpar ljósi á umhverfismál út frá sjónarhorni ungs fólks á Íslandi.

Sem hluti af íslensku sendinefndinni tók Laura m.a. þátt í samningaviðræðum og fundum, hélt erindi, kynnti fyrstu samnorrænu yfirlýsingu ungs fólks í loftslagsmálum, ræddi við unga leiðtoga frá ættbálkum í Amazonskóginum og tók þátt í alþjóðlegu samstarfi ungmenna. Hún miðlaði jafnframt reynslu sinni heim til Íslands í fjölmiðlum og með reglulegum pistlum í Samfélaginu á Rás 1.

Með vinnu sinni leitast hún við að byggja brú milli kynslóða í baráttunni fyrir betri framtíð og spyr: hvernig geta yngri og eldri kynslóðir unnið betur saman að lausnum í loftslagsmálum?