Gefa af sér, vaxa saman: Jákvæð áhrif sjálfboðaliðastarfs á einstaklinga og samfélög.
Þriðjudaginn 25. febrúar kl. 16:30 kemur Sigurbjörg Birgisdóttir sérfræðingur í sjálfboðastörfum til okkar í Hæðargarð 31 og fjallar um hvernig sjálfboðaliðastarf hefur jákvæð áhrif bæði á einstaklinga og samfélög.
Skoðað verður hvernig þátttaka í sjálfboðaliðastarfi eflir persónulegan þroska, byggir upp sjálfstraust og eykur lífsgæði með sterkari tengslum og aukinni félagslegri ábyrgð. Einnig verður rætt hvernig sjálfboðaliðar stuðla að samheldni, bættu samfélagi og jákvæðri þróun í nærumhverfi sínu.
Fyrirlesturinn byggir á rannsóknum, reynslusögum og hagnýtum dæmum og verður efnið tengt við grunngildi og verkefni Rauða krossins á Íslandi.
Sigurbjörg Birgisdóttir er sérfræðingur í sjálfboðaliðastjórnun hjá Rauða krossinum á Íslandi.
