Samtaka um hringrásarhagkerfi
Þriðjudaginn 5 mars 2024 kl. 16:30 flytur Freyr Eyjólfsson erindi sem hann nefnir: Samtaka um hringrásarhagkerfi.
Hann fjallar um nauðsyn þess að breytast, og spurningarnar: Hvað getum við gert til að bregðast við loftlagsvandanum? og hvers vegna flokkum við?
Freyr Eyjólfsson er verkefnastjóri hringrásarhagkerfis hjá SORPU. Hann hefur um árabil starfað í fjölmiðlum og kennslu en einbeitt sér að umhverfismálum hin síðari ár og ekki síst þeim möguleikum og tækifærum sem felast í hringrásarhagkerfinu. Freyr leikur einnig og spilar með hljómsveitinni Geirfuglunum og er jafnan talinn fjórði besti mandólin-leikari landsins.
