U3A Reykjavík eru samtök fólks sem er hætt á vinnumarkaði eða farið að huga að starfslokum. Samtökin voru stofnuð 16. mars 2012 og eru fyrstu U3A samtökin á Íslandi.

U3A Reykjavík er hluti af alþjóðlegri hreyfingu U3A, The University of the Third Age. Fyrstu U3A samtökin voru stofnuð fyrir 40 árum í Frakklandi og hafa síðan breiðst út til í 30-40 landa víðsvegar um heiminn.

Starf U3A Reykjavik byggir á að læra svo lengi sem lifir. Starfið fer fram í hópum sem taka fyrir viðfangsefni sem hóparnir velja sjálfir eftir áhugasviði þeirra sem í þeim eru. Ekki eru sett skilyrði fyrir þátttöku og engin próf eru tekin.

Með þátttöku í starfi U3A Reykjavík er hægt að fræðast í góðum félagsskap, eignast ný áhugamál og mynda ný tengsl jafnt innanlands sem utan.

Nánari upplýsingar um samtökin er að finna hér til hægri. Einnig er velkomið að senda fyrirspurn á netfangið u3areykjavik@u3a.is.

Ef þú vilt vera á netfangalista U3A Reykjavik án þess að vera félagi í samtökunum, vinsamlega skráðu þig með því að smella á hnappinn hér til vinstri.