Vindorkuver – áhrif á umhverfi og samfélag.

Name: Vindorkuver – áhrif á umhverfi og samfélag.
Start: 2025-01-14
End: 2025-01-14
Location: Félagsmiðstöðin, Hæðargarði 31

Þriðjudaginn 14. janúar 2025 kl. 16:30 kemur Ásdís Hlökk Theódórsdóttir skipulagsfræðingur til okkar og fjallar um vindorkuver og áhrif þeirra á umhverfi og samfélag.

Víðtæk áform eru um uppbyggingu vindorkuvera hér á landi. Getum við litið á þessa áformuðu orkunýtingu sem græna orku eða sjálfbæra orku? Í erindinu mun Ásdís Hlökk fara yfir þessi áform og fjalla um áhrif þeirra á umhverfi og samfélag, sér á lagi rask á landi og áhrif á fuglalíf, landslag og víðerni.

Ásdís Hlökk er skipulagsfræðingur. Hún starfar sem aðjunkt við Háskóla Íslands og stundar jafnframt doktorsnám í opinberri stjórnsýslu þar sem umfjöllunarefni hennar er bolmagn sveitarfélaga í skipulagsmálum. Hún hefur starfað að skipulagsmálum á ólíkum vettvangi – innan stjórnsýslunnar, sem ráðgjafi og við kennslu og rannsóknir í yfir þrjá áratugi, þar á meðal í tæpan áratug sem forstjóri Skipulagsstofnunar.